അടതാപ്പ്.

                       കാച്ചിൽ വർഗ്ഗത്തിൽപ്പെട്ട ഒരു വള്ളിച്ചെടിയാണ് അടതാപ്പ്. 60 വർഷങ്ങൾക്ക് മുൻപ്  ഇന്നത്തെ ഉരുളക്കിഴങ്ങിന്റെ സ്ഥാനം അടതാപ്പിനായിരുന്നു, ഉരുളക്കിഴങ്ങ് മണ്ണിനടിയില്‌ ഉണ്ടാകുന്നു- അടതാപ്പ് വള്ളികളിൽ മുകളിൽ ഉണ്ടാവുന്നു. ഇത് ഇപ്പോൾ പല സ്ഥലങ്ങളിലും അപൂർവ്വമായി കാണപ്പെടുന്നു, കാച്ചിൽ ചെറുകിഴങ്ങ്, പോലെ പടർന്ന് മരത്തിലോ പന്തലിലോ വളർത്താം, ചെറുകിഴങ്ങിറെയോ കാച്ചിലിന്റെയോ ഇലകൾക്ക് സാമ്യം, വള്ളികൾ ഇടത്തോട്ട് മാത്രമേ ചുറ്റുകയോള്ളൂ. മേക്കാച്ചിൽ പോലെ വള്ളികളിൽ മുകളിൽ 100 ഗ്രാം മുതൽ ഒന്നര കിലോ വരെ തുക്കമുള്ളവ ഉണ്ടാകുന്നു, അടതാപ്പിന്റെ ഭുമിക്കടിയിലെ കിഴങ്ങും ഉപയോഗിക്കാം.. നല്ല മൂപ്പ് ആയാൽ അടതാപ്പ് വള്ളികളിൽ നിന്ന് വിഴും. ഏതാണ്ട്‌ രണ്ടു മാസക്കാലം സുഷുപ്താവസ്ഥ ഉള്ളതിനാൽ വിളവെടുത്ത ഉടനെ നടാൻ പാടില്ല, പ്രധാന മുള വന്നാൽ നടാം. മുള വരുന്നതിനു മുന്പ് നട്ടാൽ ചീഞ്ഞു പോയെന്ന് വരും. കാച്ചിൽ, ചേന നടുന്നപോലെ നടാം. നട്ടാൽ പുതയിട്ടുകൊടുക്കുക. കിളിർത്തുവരുബോൾ വള്ളികെട്ടി പടരാൻ അനുവദിക്കുക. ഒരു  വള്ളിയിൽനിന്നും  20കിലോ അടതാപ്പ് പറിക്കാം. കറിവച്ചാൽ ഉരുളക്കിഴങ്ങിലും രുചി ആണ്. പുറമേയുള്ള തൊലിയും, തൊട്ടു താഴെ പച്ച നിറമുള്ള ഭാഗവും ചെത്തി നീക്കിയില്ലെങ്കിൽ കയ്പുണ്ടാകും. രോഗികൾക്ക് കൂടി ഇത് കഴിക്കാം. നവംബർ, ഡിസംബർ മാസങ്ങളിലാണ് കായ്കൾ കൂടുതലും ഉണ്ടാകുന്നത് അന്നജം, പ്രോട്ടീൻ, കാൽസ്യം തുടങ്ങിയ പോഷകങ്ങളാൽ സമ്പന്നമായ ഇവ പ്രമേഹ രോഗികൾക്ക് പഥ്യാഹാരമാണ്.

           അടതാപ്പ് 'ഡയസ്‌കോറിയ ബള്‍ബസറ വെറയ്റ്റിസസ്റ്റെവ' എന്ന ശാസ്ത്രനാമത്തില്‍ അറിയപ്പെടുന്നു. 'എയര്‍പൊട്ടറ്റൊ' എന്നാണ് വിദേശരാജ്യങ്ങളില്‍ ഇതിന്റെ പേര്. ചാക്കുകളിലും മട്ടുപ്പാവിലുമൊക്കെ എളുപ്പം അടതാപ്പ് കൃഷിചെയ്യാം. വേനല്‍ക്കാലത്താണ് വള്ളികളില്‍ കായകള്‍ ഉണ്ടാവുന്നത്. ഒരിക്കല്‍ വളര്‍ത്തിയാല്‍ കിഴങ്ങുകള്‍ മണ്ണിനടിയില്‍ത്തന്നെ ഇരുന്ന് വളര്‍ന്ന് ദീര്‍ഘകാലത്തേക്ക് ഇവ വിളവുതരും.

           ഇഷ്ട്ടപ്പെട്ടാൽ..... blog ൻ്റെ side ഉള്ള "Follow" Button click ചെയ്യാൻ മറക്കരുത്.